Reseıde koronavırýs juqtyrǵandar sany táýligine 22 myń adamnan asty
MÁSKEÝ. TASS – QazAqparat – Reseıde koronavırýs juqtyrǵandar sany táýligine 22 572-ge artyp, jalpy sany 1 925 825-ke jetti. Bul týraly jeksenbi kúni jýrnalısterge koronavırýspen kúres jedel shtaby málimdedi, dep habarlaıdy QazAqparat TASS agenttigine silteme jasap.
Bir kún buryn shtab 22 702 adamnyń ınfektsııaǵa shaldyqqanyn habarlaǵan. Bul pandemııa bastalǵaly tirkelgen eń joǵary kórsetkish.
Táýliktik ósý qarqyny Daǵystan, Hanty-Mansıısk avtonomdy okrýgi (0,6%-dan), Marıı El, Qalmaqstan, Tatarstan jáne Chýkotka avtonomdy okrýginde (0,7%-dan) tómen.
Jańa juqtyrý oqıǵalary: Máskeýde – 6271, Sankt-Peterbýrg – 1944, Máskeý oblysynda – 812, Nıjgorod oblysynda – 412 jáne Karelııada – 358.
Qazirgi ýaqytta Reseı Federatsııasynda 452 654 adam syrqattanyp jatyr.
Koronavırýstan jazylyp shyqqandardyń sany táýligine 14 456-ǵa artyp, jalpy sany 1 439 985-ke jetti. Shtab málimetinshe, saýyqqan naýqastar sany 74,9%-dan 74,8%-ǵa tómendegen.
Reseıde bir táýlikte koronavırýstan 352 naýqas kóz jumdy. Bir kún buryn bul kórsetkish 391 bolatyn. Jalpy jańa ınfektsııa RF-da 33 186 adamnyń ómirin qıdy.
