Reseıde koronavırýs juqtyrǵandar sany rekordtyq kórsetkishke jetti
MÁSKEÝ. TASS. QazAqparat – Reseıde koronavırýs ınfektsııasynyń rastalǵan jaǵdaılarynyń sany bir kúnde 25 173-ke jetti, dep habarlaıdy QazAqparat TASS agenttigine silteme jasap.
Bul eldegi jaǵdaılardyń sany boıynsha jańa maksımým. Munyń aldynda 24 822 jaǵdaı senbi, 21 qarashada tirkeldi.
Sankt-Peterbýrgte bir kúnde koronavırýs ınfektsııasynyń jańa 2 926 jaǵdaıy anyqtaldy, bul – pandemııa bastalǵannan bergi eń joǵary kórsetkish. Juqtyrǵandardyń jalpy sany 100 864-ke jetti. Bir kún buryn aımaqta eń kóp jańa jaǵdaılar anyqtaldy – 2 668.
Máskeýde bir kúnde 6 866 adamnyń koronavırýs ınfektsııasyn juqtyrǵany anyqtaldy. Olardyń jalpy sany 560 579-ǵa deıin ósti.
Eń tómengi ósý qarqyny Daǵystanda (0,5%), Qalmaqstanda, Hanty-Mansıısk AO-da (0,6% -dan), Marıı El Respýblıkasynda (0,7%) tirkeldi.
Atap aıtqanda, bir kúnde Máskeý oblysynda ınfektsııanyń 971 jaǵdaıy, Nıjnıı Novgorod oblysynda – 447, Sverdlov oblysynda – 389, Arhangelsk oblysynda – 353, Krasnoıarsk ólkesinde 335 jaǵdaıy anyqtaldy.
Qazirgi ýaqytta Reseıde 466 517 adam emdeýdi jalǵastyrýda.
Emdelip shyqqandar men qaıtys bolǵandar sany
Koronavırýstan emdelip shyqqan reseılikterdiń sany bir kúnde 16 002-ge, 1 612 445-ke deıin ósti. Nátıjesinde emdelgen patsıentterdiń úlesi 76,4%-dan 76,2% - ǵa deıin tómendedi.
Atap aıtqanda, bir kúnde 552 naýqas Máskeý oblysynda, 611 – Saratov oblysynda, 394 – Sverdlov oblysynda, 335 – Krasnoıarsk ólkesinde, 293 adam Brıansk oblysynda saýyǵyp shyqty.
Máskeýde bir kúnde aýrýhanadan shyǵarylǵandardyń sany 5 064-ke artty. Barlyǵy 410 641 adam saýyqsa, 141 559 naýqas bar. Sankt-Peterbýrgte bir kún buryn 1 449 adam saýyǵyp ketti, 37 403 naýqas emdelýdi jalǵastyrýda. Pandemııa bastalǵannan beri barlyǵy 58 488 adam emdeldi.
Reseıde koronavırýsqa baılanysty ólim sany 361-ge ósti. Bir kún buryn 401 bolǵan edi. Barlyǵy ınfektsııadan 36 540 naýqas qaıtys boldy.
Aýrýdyń ólim sany (epıdemııa aıaqtalǵannan keıin ǵana anyqtalýy múmkin) 1,73% deńgeıinde qaldy.
Atap aıtqanda, bir kúnde Máskeý oblysynda – 20, Rostov oblysynda – 19, Krasnoıarsk ólkesinde – 17, Nıjnıı Novgorod jáne Omby oblystarynda – 14, Irkýtsk oblysynda 13 ólim tirkeldi.
Máskeýde koronavırýstan 71 naýqas kóz jumdy. Qaıtys bolǵandardyń jalpy sany 8 379-ǵa jetti. Sankt-Peterbýrgte 20 ólim tirkeldi. Pandemııa bastalǵannan beri barlyǵy 4 973 adam kóz jumdy.
