Reseıde koronavırýs juqtyrǵandar sany ósip, álemde tórtinshi orynǵa kóterildi

MÁSKEÝ. TASS- QazAqparat – Reseı koronavırýs juqtyrý oqıǵalarynyń sany jaǵynan álem boıynsha tórtinshi orynǵa qaıta joǵarlady. 13 shildedegi jaǵdaı boıynsha, Reseıde vırýsqa shaldyqqan 5,833 mln adam tirkeldi. Bul týraly QazAqparat TASS aqparat agenttigine silteme jasap habarlaıdy.

Atalǵan reıtıngte Reseı vırýsty 5,820 mln adam juqtyrǵan Frantsııadan ozyp túsken.

Sońǵy birneshe kúnde Reseıde vırýs juqtyrýdyń 24 myńnan astam oqıǵasy anyqtaldy, Frantsııada aýrý juqtyrý qarqyny tómendeý. Sońǵy táýlikte vırýsqa shaldyqqan 7 myńǵa jýyq adam tirkelgen», - dep jazady TASS.

Reıtıngte 33,9 mln oqıǵa tirkelgen AQSh kósh bastap tursa, ekinshi orynda Úndistan tur (30,9 mln), al «úshtikti» Brazılııa eli (19,2 mln) japty.

Eske salsaq, Reseıde koronavırýstan kóz jumǵan adamdardyń táýliktik kórsetkishi rekord ornatyp jatqany týraly habarlaǵan bolatynbyz.