Reseıde koronavırýs juqtyrǵandar sany kúrt ósti

NUR-SULTAN. QazAqparat – Reseıde koronavırýs ınfektsııasyn juqtyrý jaǵdaıy kún sanap nasharlaýda. Bul týraly QazAqparat Sanıtarııalyq-epıdemıologııalyq baqylaý komıtetine silteme jasap habarlaıdy.

Sankt-Peterbýrgte ınfektsııa juqtyrý oqıǵalary sanynyń óskeni sonshalyq, ınfektsııalyq aýrýhanalardaǵy palatalar sanynyń tapshylyǵy baıqalýda. Sońǵy táýlikte koronovırýstyq ınfektsııanyń 1019 jańa jaǵdaıy tirkelgen. Qalada vırýstyq ınfektsııaǵa shaldyqqan naýqastarǵa arnalǵan aýrýhanalarda 9000-nan astam oryn uıymdastyrylsa, olardyń 90% -y bos emes. Osylaısha, shaharda №15 aýrýhanadaǵy ınfektsııalyq bólimde oryndar jetispegendikten, naýqastastar edenge jatqyzylýda. Qaladaǵy jaǵdaıdyń kúrdelene túsýine úndistandyq Delta shtammynyń paıda bolýy, sonymen qatar, adamdardyń vaktsına saldyrýdan bas tartýy jáne karantın shekteýleriniń saqtalmaýy sebep.

Koronavırýstyq ınfektsııany juqtyrý oqıǵalary sanynyń artýyna baılanysty reseılik ǵalymdar 30 maýsymnan bastap elde ınfektsııalyq aýrýdy juqtyrý derekteriniń eń joǵarǵy kórsetkishi mániniń shekten asýyn boljaıdy. Sankt-Peterbýrg memlekettik ýnıversıtetiniń matematıkteriniń boljaýynsha, osy aıdyń sońynan bastap koronavırýstyq ınfektsııany táýligine 20 000-nan astam adam juqtyrýy múmkin.