Reseıde koronavırýs juqtyrǵandar sany 520 myńnan asyp ketti
MÁSKEÝ. QazAqparat - Reseıde koronavırýs juqtyrǵandar sany 520 myńnan asyp ketti, dep habarlaıdy QazAqparat TASS agenttigine silteme jasap.
Reseıde sońǵy táýlikte 8 706 adamnan vırýs tabylǵan. Al jalpy naýqastar sany 520 129 boldy. Bul jóninde jýrnalısterge koronavırýs ınfektsııasynyń taralýyna qarsy shuǵyl shtab málim etti.
Sońǵy málimetke sensek, bir táýliktegi ósim 1,7% bolǵan. Bir kún buryn bul kórsetkish 1,8% edi.
Jańa juqtyrý faktileriniń kópshiligi, ıaǵnı 1 493 jaǵdaı - Máskeýde, 725 - Máskeý oblysynda, 262 - Sankt-Peterbýrgte, 245 - Sverdlov oblysynda, 228 - Voronej oblysynda tirkeldi.
Reseı boıynsha barlyǵy 238 659 patsıent em alyp jatyr.
Sońǵy táýlikte 5 271 adam indetten jazylyp, aýrýhanadan shyqty. Al jalpy emdelgen syrqattar sany - 274 641.
Shtab málimetinshe, aýrýdan saýyǵyp ketkenderdiń úlesi barlyq naýqastardyń 53% jetken.
Kesheden beri 114 adam koronavırýstan qaıtys bolǵan. Al jalpy kóz jumǵan naýqastar sany - 6 829.
