Reseıde koronavırýs juqtyrǵandar sany 47 myńnan asty
NUR-SULTAN. QazAqparat – 20 sáýirdegi jaǵdaı boıynsha Reseıde COVID-19 juqtyrǵandar sany 47 121 adamǵa jetti, dep habarlaıdy QazAqparattyń menshikti tilshisi Reseıdegi koronavırýs ınfektsııasynyń taralýyna qarsy kúres jónindegi jedel shtabyna silteme jasap.
Koronavırýs ınfektsııasynyń taralýyna qarsy kúres jónindegi jedel shtabtyń málimetinshe, Reseıde sońǵy táýlikte koronavırýs ınfektsııasyn juqtyrǵandar sany 4 268 adamǵa artqan. Ótken táýlikte 155 adam, al jalpy – 3446 adam jazylyp shyqqan. Sońǵy táýlikte 44 naýqas qaıtys boldy, al jalpy koronavırýstan indet kezeńinde 405 adam kóz jumǵan.
Ótken táýlikte Máskeýde eń kóp adam aýrý juqtyrǵan – 2026 adam (Reseı astanasynda barlyǵy – 26 350 naýqas), Máskeý mańynda – 578, Nıjegorod oblysynda – 113, Sankt-Peterbýrgte - 86, Rostov oblysynda – 60, Mýrmansk oblysynda – 46, Sheshenstan Respýblıkasynda – 45, Bashqurtstan Respýblıkasynda – 45, Tatarstan Respýblıkasynda – 39. Qazirgi ýaqytta koronavırýs ınfektsııasyn anyqtaýǵa 2,05 mln test jasaldy.
Avtor: Mıras Qýandyqov
