Reseıde koronavırýs juqtyrǵandar sany 46 paıyzǵa ósti
Infektsııany baqylaý federaldy shtabynyń málimeti boıynsha, keıingi 24 saǵat ishinde kovıd juqtyrǵandardyń kóbeıýi sáýirdegi kórsetkishten asyp, 9 027 jetti, aldyńǵy kúnmen salystyrǵanda 46 paıyzǵa ósti.
Infektsııa juqtyrǵandar sanynyń ósý úrdisi shildeniń ortasynan bastap, ortasha táýliktik ósim 3-3,6 myń jaǵdaı deńgeıinde bolǵan kezde tirkeldi.
Sondaı-aq, Reseıde demalys maýsymynyń sońynda syrqattanýshylyqtyń taǵy da jıileýi múmkin ekendigi joqqa shyǵarylmaıdy. Reseı Ǵylym akademııasynyń akademıgi Gennadıı Onışenkonyń aıtýynsha, oǵan halyqtyń kóp jınalýy jáne oqý jylynyń bastalýy sebep bolady. Osyǵan baılanysty ol halyqty 1 qyrkúıekke deıin aldyn ala vaktsınatsııaǵa jáne qaıta vaktsınatsııaǵa shaqyrdy.
Buǵan deıin habarlaǵanymyzdaı, ótken aptada COVID-19 órshýi 92 elde baıqaldy. Atap aıtqanda, Ázerbaıjanda - 115%, Japonııada - 70%, Polshada - 63% , Reseıde - 49%, Qytaıda - 36%-ǵa ósti.
