Reseıde koronavırýs juqtyrǵandar sany 4 mıllıonnan asty

NUR-SULTAN. TASS-QazAqparat – Reseıde koronavırýs juqtyrǵandar sany táýlik ishinde 14 494 adamǵa artty, bul rette táýlik kórsetkishi 17 beri alǵash ret 15 myń adamnan az boldy. Vırýs juqtyrǵandardyń jalpy sany 4 012 710 adamǵa jetti. Bul týraly QazAqparat TASS agenttigine silteme jasap habarlaıdy.

Álem boıynsha koronavırýs juqtyrǵan adamdardyń eń kóp tirkelgen elderdiń arasynda Amerıka Qurama shtattary (27,2 mln jýyq), Úndistan (10,9 mln jýyq) jáne Brazılııa (shamamen 9,6 mln adam). Reseı eli bul tizimde tórtinshi orynda tur.

Aldaǵy ýaqytta Ulybrıtanııada da bul kórsetkish 4 mln adamnan asýy ábden múmkin.

Reseıdiń koronavırýsqa qarsy kúres júrgizý jónindegi jedel shtabtyń málimetterinshe, aýrý juqtyrý boıynsha jańa oqıǵalar sanynyń ósimi 0,36 paıyzdy qurap otyr.

Ósimniń táýlik ishindegi eń az qarqyny Tyva Respýblıkasynda, Nenets AA, Hakasııa, Magadan oblysy (po 0,1 paıyzdan), ıAmal-Nenetsk AA, Hanty-Mansıısk AA, Evreı AA, Amýr oblysy, Altaı Respýblıkasy, Ingýshetııa jáne Sheshenstan respýblıkasynda (0,2 paıyzdan) tirkelgen.

Atap ótkende, táýlik ishinde Sankt-Peterbor qalasynda 1169 adam, Nıjegorod oblysynda – 456 adam, Voronej oblysynda – 362 adam, Rostov oblysynda – 349 adam jáne Samara oblysynda – 302 adam aýrý juqtyrǵan.

Qazirgi kezde Reseıde 418 115 adam em qabyldap jatyr.

Elde aýrý juqtyrý deńgeıi tómendep keledi: sońǵy jeti kúnniń ishinde Reseıde táýlik ishinde árbir 100 myń adamnyń ishinde 10,9 oqıǵa tirkelgen, bul qazan aıynyń sońǵy onkúndigindegi kórsetkishterge sáıkes kelip tur.

Koronavırýstan jazylǵan reseılikter sany táýlik ishinde 22 575 adamǵa kóbeıgen. Jalpy alǵanda, elde 3 516 461 adam saýyǵyp shyqty.

Ótken táýlikte Reseıde vırýstan kóz jumǵandar sany 536 adam (buǵan deıingi táýlikte – 530 adam). El boıynsha aýyr dertten 78 134 patsıent qaıtys boldy.