Reseıde koronavırýs juqtyrǵandar sany 3,5 mıllıonnan asty
MÁSKEÝ. TASS-QazAqparat - Reseıde bir táýlikte 24 715 adam koronavırýs juqtyrǵan, dep habarlaıdy QazAqparat TASS agenttigine silteme jasap.
Koronavırýsqa qarsy kúres shuǵyl shtabynyń málimetinshe, Reseı Federatsııasynda KVI juqtyrǵandardyń jalpy sany 3 mln 520 myńǵa jetken.
Jańa jaǵdaılardyń ósimi 0,7% bolyp otyr.
Birqatar óńirde ósim tómen, olar - Tyva Respýblıkasy (0,1%), ıAmal-Nenets avtonomııa aımaǵy, Evreı avtonomııa oblysy ( 0,3%) jáne Magadan, Kemerovo jáne Nenets avtonomııalary (0,4%).
Qazirgi tańda el aýmaǵynda 546 356 naýqas indetten emdelip jatyr.
Sońǵy táýlikte 27 636 naýqas koronavırýstan jazylyp ketti. Barlyq emdelip shyqqandardyń sany - 2 mln 909 myń 680 adam. Dertinen aıyqqandardyń úlesi 82 paıyzdan asty.
Bir kúnde 555 patsıent COVID-19 dertinen kóz jumǵan. Al naýqastan qaıtys bolǵandardyń jalpy sany - 64 495.
