Reseıde koronavırýs juqtyrǵandar sany 210 myńǵa jýyqtady
RESEI. QazAqparat – Reseıde koronavırýs ınfektsııasyn juqtyrǵandar sany 210 myńǵa jýyqtady. Ýkraınada 15 myńnan asty, dep habarlaıdy QazAqparat Memlekettik komıssııanyń shuǵyl shtabyna silteme jasap.
«Reseıde koronavırýsty juqtyrǵan taǵy 11 012 adam anyqtaldy. Vırýsty juqtyrǵan adamdardyń jalpy sany 209 688-di qurap otyr. COVID-19-dan taǵy 2 390 adam jazylyp shyqty. Jalpy jazylyp shyqqandar sany — 34 306. Koronavırýs ınfektsııasynan 1 915 adam kóz jumdy», - delingen aqparatta.
Ýkraınada indetti juqtyrýdyń jańadan 522 jaǵdaıy tirkelgen. Osylaısha, naýqastardyń jalpy 15 232 adamǵa jetip otyr. «Buǵan qosa, taǵy 15 adam kóz jumǵan. Qaıtys bolǵandar sany — 391, jazylyp shyqty - 3 060 adam», - delingen málimette.
