Reseıde koronavırýs juqtyrǵandar sany 2 mıllıonnan asty
MÁSKEÝ. TASS – QazAqparat – Reseıde bir táýlikte 23 610 adam koronavırýs juqtyrdy. Bul - pandemııa bastalǵaly tirkelgen eń joǵary kórsetkish. Koronavırýsqa qarsy kúres jedel shtabynyń beısenbi kúni jýrnalısterge jasaǵan málimdemesine sensek, jalpy ınfektsııaǵa shaldyqqandar sany 2 015 608 adamǵa jetti, dep habarlaıdy QazAqparat TASS agenttigine silteme jasap.
Shtab deregi boıynsha, ósim 1,2%-dy qurady.
Onyń ishinde Máskeýde bir táýlik ishinde 6 438 turǵyn (bir kún buryn 4 174 edi) koronavırýsqa shaldyqqan. Jalpy astanada 533 068 adam vırýs juqtyrdy.
Qazirgi ýaqytta em alyp jatqan naýqastar sany Reseıde úshinshi kún qatarynan azaıyp jatyr. Qazir elde 454 102 adam nemese vırýs juqtyrǵandardyń 22,5%-y syrqattanyp jatyr.
Koronavırýstan aıyǵyp, aýrýhanadan shyǵarylǵan turǵyndar sany táýligine 25 573-ke kóbeıdi, bul da - pandemııa bastalǵaly tirkelgen eń joǵary kórsetkish.
Jalpy 1 526 656 adam saýyǵyp shyqqan.
Eki kúnde jazylyp shyqqandar sany jańadan vırýs juqtyrǵandar sanynan kóp. Shtab málimeti boıynsha, jazylǵandar jalpy ınfektsııaǵa shaldyqqandardyń 75,7%-yn quraıdy.
Reseıde bir táýlikte koronavırýstan 463 adam qaıtys boldy. Bir kún buryn bul kórsetkish 456 bolǵan.
Jalpy 34 850 adam ınfektsııa juqtyryp, ómirden ótti.
Ólimniń shartty kórsetkishi shtab málimeti boıynsha, 1,73% shamasynda qaldy (naqty san epıdemııa bitkennen keıin ǵana belgili bolady).
