Reseıde koronavırýs juqtyrǵandar sany 1036 adamǵa jetti
MÁSKEÝ. TASS - QazAqparat – Reseıde koronavırýs juqtyrǵandar sany bir táýlikte 840 adamnan 1036 adamǵa jetti, dep málimdedi jedel shtab. Bul týraly QazAqparat TASS-qa silteme jasap habarlaıdy.
Máskeýde koronavırýs juqtyrǵandar sany 703 adamdy qurady. Bir táýlikte aýrý juqtyrǵan taǵy bir naýqas qaıtys boldy. Koronavırýsqa shaldyǵyp, emdelip shyqqan reseılikter sany 45 adamǵa jetti. Bir táýlikte jeti adam aýrýhanadan shyǵaryldy. Reseıde koronavırýs tabylǵan óńirler sany 56-dan 58-ge jetti.
