Reseıde koronavırýs juqtyrǵandar sany 10 myńnan asty
MÁSKEÝ. TASS – QazAqparat – Reseıde jańa koronavırýs juqtyrǵandar sany keshe 1 459 jaǵdaıǵa ósti. Eldiń 81 óńirinde vırýs juqtyrǵandardyq jalpy sany 10 131 adamǵa jetti, dep habarlaıdy QazAqparat TASS agenttigine silteme jasap.
Koronavırýspen kúres jónindegi jedel shtabtyń habarlaýynsha, qazirgi ýaqytta elde 698 adam saýyǵyp, aýrýhanadan shyǵarylsa, 76 adam kóz jumǵan.
«Búgingi kúni Reseıde koronavırýs ınfektsııasynyń 10 131 jaǵdaıy (+ 16,8%) 81 óńirden jınaqtalǵan túrde tirkeldi. Ótken táýlikte 118 adam saýyǵyp, aýrýhanadan shyǵaryldy. Osy ýaqytqa deıin Reseıde 698 adam emdelip shyqty. Táýligine koronavırýstan 13 naýqas qaıtys bolǵan. Reseıdiń barlyq aýmaǵy boıynsha 76 adam kóz jumǵan» delingen shtabtyń habarlamasynda.
