Reseıde kontrterrorıstik operatsııa júrgizildi

TÚMEN. QazAqparat - Reseıdiń Túmen qalasynda «Islamdyq memleket» terrorıstik uıym (DAISh) (Qazaqstanda tyıym salynǵan -avt.) múshelerin ustaý operatsııasyn júrgizdi, dep habarlaıdy QazAqparat TASS agenttigine silteme jasap.

«Túmen oblysy boıynsha Reseı federaldyq qaýipsizdik qyzmetiniń jedel izdestirý sharasy barysynda qaladaǵy jeke turǵyn úılerdiń birinde DAISh halyqaralyq terrorıstik uıymynyń jaqtaýshylary bar degen aqparat kelip tústi. Olar adam kóp shoǵyrlanǵan jerde terrorlyq shabýyl josparlaǵan. Qaýipti aldyn alý maqsatynda Túmen oblysy boıynsha Reseı federaldyq qaýipsizdik qyzmeti qalada kontrterrorıstik operatsııa ótkizý týraly sheshim qabyldady», - delingen Túmen oblystyq federaldyq qaýipsizdik qyzmetiniń baspasóz qyzmeti.

Operatsııa saǵat 21:56- dan bastalyp qalanyń Novoselov, Magnıtogorskaıa, Lokomotıvnaıa kósheleri men Kalınınsk federatsııalyq ákimshilik okrýginde jalǵasqan.

Sondaı-aq, kontrterrorıstik operatsııa barysynda adamdardyń jeke kýálikteri tekserilip, qoǵamdyq tártipti saqtaý kúsheıtildi, odan bólek kólik qozǵalystaryna shekteý qoıyldy.