Reseıde Konstıtýtsııaǵa engiziletin túzetýge daýys berý kúnin keıinge qaldyrdy
NUR-SULTAN. QazAqparat – Reseı Federatsııasynyń Prezıdenti Vladımır pýtın koronavırýs ınfektsııasynyń taralýyna baılanysty RF konstıtýtsııasyna túzetýler boıynsha daýys berýdi keıinirek dataǵa aýystyrdy, dep habarlaıdy QazAqparat tilshisi.
«Aldyn ala datasy 22 sáýirge belgilengen Konstıtýtsııaǵa túzetýler boıynsha jalpyreseılik daýys berýdi uıymdastyrý boıynsha máselelerdiń týyndaıtyndyǵy sózsiz. Ózderińizde bul máselege qanshalyqty baıyppen qaraıtyndyǵymdy jaqsy bilesizder. Árıne, elimiz úshin, qoǵamymyz úshin túgeıli ári basty osynaý máselege qatysty ózderińizdiń pikirlerlerińizdi kelip bildirýdi suraıtyn bolady. Degenmen, buǵan deıin aıtqanymdaı, biz úshin adamdardyń densaýlyǵy, ómiri men qaýipsizdigi sózsiz basymdyq sanalady. Sondyqtan da daýys berýdi barynsha keıinirek dataǵa aýystyrý qajet dep sanaımyn. Óńirlerdegi, jalpy eldegi ahýaldyń qalaı damıtyndyǵyn baǵalaımyz jáne dárigerlerdiń mamandardyń kásibı pikirleri men usynystaryna arqa súıeı otyryp, daýys berýdiń jańa kúni jaıynda sheshim qabyldaımyz», - dedi V.Pýtın Reseı halqyna arnaǵan teleúndeýinde.
