Reseıde kolonııadan qashyp ketken Ózbekstan azamaty 10 jylǵa sottaldy
ASTANA. KAZINFORM — Er adam 2024 jyldyń qazan aıynda Lıpetsk oblysyndaǵy №2 kolonııadan qashyp ketken 6 tutqynnan turatyn toptyń quramynda bolǵan. Qashqyndardyń barlyǵy Ortalyq Azııa elderinen, onyń tórteýi Ózbekstannan kelgen, dep habarlaıdy TASS.
Qashqyndar 2024 jyldyń qazan aıynyń sońynda Tambov oblysynda ustaldy. Sol kezde polıtsııa qyzmetkeri izdeýde júrgenderdiń sıpattamasyna sáıkes keletin er adamdardy baıqaǵan. Aıyptalýshy tutqyndaýǵa qarsylyq kórsetip, nátıjesinde oń qoly synǵan. Bul jaraqat ortasha aýyrlyq dárejesine jatqyzylady.
— Sot kúdiktini qylmys jasaǵany úshin kináli dep tanyp, ony 10 jylǵa qatań rejımdegi kolonııada óteý týraly úkim shyǵardy», - delingen Tambov oblystyq prokýratýrasynyń habarlamasynda.
Ózbekstan azamaty Reseı Qylmystyq kodeksi 318-babynyń 2-bóligi (qyzmettik mindetterin atqarý kezinde bılik ókiline ómirine nemese densaýlyǵyna qaýipti kúsh qoldaný) boıynsha sottaldy.
Eske sala keteıik, Ózbekstan artısiniń Reseıdegi kontsertinen keıin birneshe adam tutqyndaldy.