Reseıde kól aıaq astynan jer astyna ketti

ASTANA. QazAqparat -  Reseıdegi Vladımır qalasynyń  túbinde, orman arasynda  ornalasqan tereńdigi 20 metrlik Sakantsy kóli jer astyna ketti. 

Sýdyń ornynda  batpaq basqan úlken shuńqyr ǵana qaldy. Mundaǵy barlyq balyqtar da iz-túzsiz joǵaldy, dep habarlaıdy  «360» telearnasy.

 «Qazir bul jerde, kóldiń tabanynda sýdy ustap turǵan qalyńdyǵy  eki metrge jýyq balshyq qana jatyr. Shamasy, nóser jańbyrdan keıin  balshyq qabatynyń osal tusynan shuńqyr paıda bolyp, sý jer astyna aǵyp ketken, - deıdi Vladımır oblysy tabıǵatty paıdalaný jáne  qorshaǵan ortany qorǵaý departamentiniń dırektory Alekseı Mıgachev.

Eger oıylyp ketken shuńqyr  balshyqqa tolar bolsa, kól qaıta qalpyna kelýi de múmkin.