Reseıde QQS tómendeýi qashan bolatyny belgisiz

MÁSKEÝ.KAZINFORM — Kremlde qosylǵan qun salyǵynyń (QQS) 22%-ǵa deıin arttyrylǵan mólsherlemesi qansha ýaqyt saqtalatyny týraly túsinik joq, dep málimdedi RF prezıdentiniń baspasóz hatshysy Dmıtrıı Peskov, dep habarlaıdy agenttik tilshisi, reseılik BAQ-qa silteme jasap. 

Onyń aıtýynsha, 2026 jyldan bastap QQS mólsherlemesin arttyrýdan keıin onyń tómendeýiniń naqty merzimi týraly aıtýǵa áli erte, qazirgi ýaqytta 22% mólsherleme Qarjy mınıstrliginiń esepteýleri boıynsha negizdelgen.

Aıta keteıik, 2026–2028 jyldarǵa arnalǵan bıýdjette barlyq 3 jylǵa QQS-tyń 22% mólsherlemesi boıynsha túsimder qarastyrylǵan.

Buǵan deıin, 28 qarashada Reseı prezıdenti Vladımır Pýtın 2026 jyldyń 1 qańtarynan bastap QQS mólsherlemesin 20%-dan 22%-ǵa deıin arttyrýdy kózdeıtin zańǵa qol qoıǵan edi, áleýmettik mańyzy bar taýarlarǵa — azyq-túlikke, dári-dármekterge jáne balalar taýarlaryna 10% jeńildetilgen mólsherleme saqtalady.

8 jeltoqsanda Vladımır Pýtın Ulttyq jobalar jáne strategııalyq damý jónindegi keńes otyrysynda kelesi jyly QQS-tyń 22%-ǵa deıin artýy ýaqytsha bolady degen úmitin bildirdi.

Sonymen qatar, QQS ósimi kásipkerlerdiń kóleńkeli sektorǵa ketýine ákelmeýin baqylaýdy tapsyrdy.

Aıta ketelik Reseıde QQS mólsherlemesin 22%-ǵa deıin kóterý máselesi qaralyp jatqany týraly jazǵan edik.

Buǵan deıin Qazaqstanda memlekettik satyp alýda QQS qoldaný 1 qańtardan bastap jańa tártip boıynsha júzege asyrylatyny habarlanǵan edi.