Reseıde kisi óltirgen qylmysker Qazaqstanda alty jyl jasyrynyp júrgen
ASTANA. QazAqparat - Adam óltirgeni úshin halyqaralyq izdeýde júrgen RF Túmen oblysynyń turǵyny Qazaqstanda alty jyl jasyrynyp kelgen. Bul týraly megatyumen.ru habarlaıdy.
Polıtseıler 45 jastaǵy Túmen oblysy turǵynynyń ústinen qozǵalǵan qylmystyq istiń tergeý jumystaryn aıaqtaǵan. Oǵan aıyp syrttaı taǵylǵan.
Tergeý anyqtaǵandaı, 2010 jyly shilde aıynda, ol burynǵy áıelimen birge turyp jatqan azamatty óltirgen. Ol Ýporovo aýylynda ornalasqan úıge kirip, uıyqtap jatqan azamattyń basynan doǵal zatpen birneshe ret urǵan. Alynǵan jaraqattyń saldarynan er kisi kóz jumady. Kúdikti oqıǵa ornynan izin sýytady. Keıinnen Túmen oblysynan múldem qashyp ketedi.
Túmen oblystyq tergeý komıteti habarlaǵandaı, jetkilikti dáleldemeler jınalǵan. Aıyptaýdy bekitý maqsatynda qylmystyq is prokýrorǵa jiberildi, keıinnen sotqa ótedi.
