Reseıde Qazaqstannyń eki azamaty para bermek bolǵany úshin, al bir azamat qyz zormalaq bolǵany úshin ustaldy - SІM
ASTANA. 14 mamyr. QazAqparat - Reseıde Qazaqstannyń eki azamaty para bermek bolǵany úshin, al bir azamat qyz zormalaq bolǵany úshin ustaldy.
Bul týraly búgin QR Syrtqy ister mınıstrliginde ótken aptalyq brıfıng barysynda vedomstvonyń resmı ókili Altaı Ábıbýllaev málimdedi.
«Qazaqstannyń bir azamaty áıel zorlamaqshy bolǵany úshin jáne avtokólik tonaýǵa oqtalǵanyna baılanysty Chývashııa tergeý organdarymen ustalǵan bolatyn. Bizge kelip túsken Cheboksary qalasy boıynsha tergeý bóliminiń aqparatyna súıensek, qylmystyq is 01.09.1978 jyly týǵan Qazaqstannyń azamatyna qatysty qozǵalǵan. Azamat óz kinásin tolyq moıyndap otyr», - deıdi resmı ókil.
Budan bólek, Qazaqstannyń taǵy eki azamaty Taganrog portynyń qyzmetkerine para bermekshi bolǵanda ustalǵan. «Qazaqstannyń eki azamaty Ábýhanov pen Ótegenovqa qatysty Ońtústik kólik prokýratýrasymen qylmystyq is qozǵalýyna oraı biz reseılik tarapqa qylmystyq iske qatysty suraý joldadyq. Reseı ishki ister organdarynyń jaýaby túsken sátte qosymsha aqparat beriledi», - deıdi A. Ábıbýllaev.
