Reseıde Qazaqstannyń mádenı kúnderi ótedi
ASTANA. KAZINFORM — 2025 jyldyń 10–13 qazan aralyǵynda Máskeý qalasynda Qazaqstan Respýblıkasynyń Reseı Federatsııasyndaǵy mádenı kúnderi ótedi.
Іs-shara Qazaqstan Respýblıkasy Mádenıet jáne aqparat mınıstrliginiń uıymdastyrýymen Reseı Mádenıet mınıstrliginiń qoldaýymen ótedi. Mádenı kúnder eki el arasyndaǵy mádenı-aqparattyq yntymaqtastyqty nyǵaıtyp, ekijaqty qatynastardy damytýǵa baǵyttalǵan.
10 qazan – 23 qarasha aralyǵynda Jańa Tretıakov galereıasynda «Qazaqstan óneriniń jaýharlary» kórmesi ótedi. Á. Qasteev atyndaǵy QR Memlekettik óner mýzeıiniń kollektsııasynan Qazaqstannyń jetekshi qylqalam sheberleriniń 43 týyndysy qoıylady. Sonymen qatar Memlekettik Tretıakov galereıasynyń qorynan alynǵan 17 keskindeme men 11 músin jumysy usynylady.
Qazaqstannyń mádenı kúnderi aıasynda Qazaqstandyq kıno kúnderi de ótedi. 10 qazan kúni Máskeýdegi «Poklonka» kınoteatrynda rejısser S. Ótepbergenovtyń «Patrıottar ýaqyty» atty áskerı ekshn fılmi jáne rejısser B.Shekerovtyń «1941 jyldyń jazy» kınokartınasy kórsetiledi.
11 qazanda atalǵan kınoteatrda rejısser F.Sháripovtyń «Toqta, tún» fılmi kórsetilse, keshke rejısser A.Sahamannyń «Dos-Muqasan» fılmi usynylady.
12 qazan kúni máskeýlik kórermen rejısser M. Turdybektiń ejelgi saqtardyń kıeli tarıhyn, turmysy men mádenıetin, áskerı ónerinen syr shertetin «Altyn adam» tolyqmetrajdy anımatsııalyq fılmin tamashalaı alady. Keshki bólimde rejısser T. Dýlatovtyń «90+1» fılmi kórsetiledi.
Teatrsúıer qaýym úshin 13 qazan kúni Reseı memlekettik akademııalyq kishi teatrynda Qalıbek Qýanyshbaev atyndaǵy Qazaq ulttyq mýzykalyq drama teatrynyń «Parasat maıdany» qoıylymy sahnalanady. «Parasat maıdany» – adamnyń ishki álemi men rýhanı qundylyqtary týraly syr shertetin psıhologııalyq drama. Qoıylym qazaq ádebıetiniń klassıgi Tólen Ábdik shyǵarmalarynyń negizinde qoıylǵan.
Mádenı kúnderdiń mańyzdy is-sharasy – 12 qarasha kúni Reseıdiń memlekettik akademııalyq Úlken teatrynda Qazaqstan ónerpazdarynyń qatysýymen ótetin gala-kontsert. Іs-shara Qazaqstan Respýblıkasynyń Prezıdenti Qasym-Jomart Toqaevtyń Reseı Federatsııasyna memlekettik sapary aıasynda uıymdastyrylady.
Mádenı kúnder aıasynda ótetin is-sharalarǵa Reseı men Qazaqstannyń zııaly qaýym ókilderi, ǵalymdar, jazýshylar, dıplomatııalyq korpýs pen shyǵarmashylyq odaqtar, sondaı-aq qazaq dıasporasynyń ókilderi qatysady.