Reseıde Qazaqstannan zańsyz jetkizilgen 4 tonna bekire tuqymdas balyq tárkilendi
ATYRAÝ. QazAqparat - Reseı Federatsııasy FQQ Shekara basqarmasynyń qyzmetkerleri Qalmaq Respýblıkasy jáne Astrahan oblystarynda daǵystandyq áriptesterimen birlesip júrgizgen jedel-profılaktıkalyq is-sharalar aıasynda Qazaqstan aýmaǵynan Reseı Federatsııasyna zańsyz tasymaldanǵan bekire tuqymdas balyqtardyń transshekaralyq kanalynyń jolyn kesti, dep habarlaıdy «QazAqparat» HAA tilshisi Astrakhan.Site jelilik basylymyna silteme jasap.
«Qaraózek» ótkizý beketinde tirkemesi bar «KamAZ» júk kóligi ustaldy. Atyraýdan Astrahanǵa qaraı bet alǵan kólikti Daǵystan týmasy júrgizip kelgen. Kólik pen onyń tirkemesin tekserý barysynda arnaıy jabdyqtalǵan jasyryn qoıma anyqtaldy. Onyń ishinde muzdatylǵan 864 bekire tuqymdas balyq (bekire, shoqyr, qortpa) tabyldy, onyń jalpy salmaǵy 3 tonna 776 kelini quraıdy.
Bekire tuqymdas balyqtardyń quny 7 mıllıon rýbldi (shamamen 38 mln teńge) quraıdy. Qazirgi tańda balyqtar arnaıy qoımaǵa qoıyldy. RF QK 258-babynyń 1-tarmaǵy (Qyzyl kitapqa engen asa baǵaly sý bıologııalyq resýrstardy zańsyz oljalaý jáne aınalymǵa engizý) jáne RF QK 226-babynyń 1-tarmaǵy (kontrabanda) boıynsha sotqa deıingi tergeý jumystarynyń materıaldary quqyq qorǵaý organdaryna berildi», - dep habarlaıdy saıt Reseı FQQ Qalmaq Respýblıkasy jáne Astrahan oblysy boıynsha Shekara basqarmasynyń resmı ókili Irına Gafýrovaǵa silteme jasap.
Atyraý oblystyq ákimdiginde «Bekire» tabıǵatty qorǵaý aktsııasyna tartylǵan barlyq qurylymdardyń qatysýymen jabyq jınalys bolyp ótti.
