Reseıde Qazaqstan halqy Assambleıasynyń tájirıbesi qoldanylady
Búginde qos tarap arasynda tyǵyz áriptestik pen tıimdi qarym-qatynas ornaǵan. Aıta keteıik, 28 sáýir kúni Prezıdent Nursultan Nazarbaevtyń tóraǵalymen Qazaqstan halqy Assambleıasynyń 26-sessııasy ótedi.
Reseı halyqtary assambleıasy 1998 jyly, ıaǵnı Qazaqstan halqy Assambleıasy qurylǵannan soń alty jyldan keıin paıda boldy. Osylaısha, reseılikter memlekettiń jáne ulttyq-mádenı birlestikterdiń qurylýyndaǵy biregeı qazaqstandyq tájirıbeni úlgi etti.
«Qazaqstan halqy Assambleıasy bizdiń úlken aǵamyz ispettes. Sebebi solardyń tájirıbesin zerttep, úlgi etip júrmiz. Olardyń kóptegen jobalary biz úshin de, elimiz úshin de paıdaly. Qazaqstan halqy Assambleıasynyń arqasynda elde turyp jatqan ár túrli ult ókilderi bir ananyń balasyndaı birlikte ómir súredi»,- deıdi, Reseı halyqtary Assambleıasy keńesiniń tóraıymy Svetlana Smırnova.
.Sondaı-aq reseılik áriptester Qazaq halqy Assambleıasynyń bedeline erekshe baǵa berip otyr. Biregeı ınstıtýtqa Elbasynyń ózi jetekshilik etetindikten Qazaqstanda ulttyq saıasat máselelerine jiti kóńil bólinedi.
RF Prezıdenti janyndaǵy etnosaralyq qatynastar jónindegi keńestiń múshesi Vladımır Zorınniń aıtýynsha, elde beıbitshilik, dostyq, yntymaqtastyq qarym-qatynasy ornaǵan. Bunyń barlyǵy Qazaqstannyń salt-dástúrine tikeleı baılanysty. Jáne eldegi saıasat pen tájirıbe de sonyń dáleli.
«Biz úshin Qazaqstandaǵy áriptesterimizben birge jumys isteý úlken abyroı. Sebebi sizder birinshi bolyp Qazaqstan halqy Assambleıasyn quryp, bizge úlgi boldyńyzdar. Ekijaqty seriktestigimiz arta bersin degim keledi»,- deıdi Reseı halyqtary Assambleıasy atqarý komıtetiniń tóraǵasy Nazırjon Abdýganıev.
Assambleıadan bólek Reseıde ulttyq saıasatpen Memlekettik Dýmanyń ulttar komıteti jáne Ulttar federaldyq agenttigi aınalysady. Barlyq úsh departament te Qazaqstan halqy Assambleıasymen yntymaqtastyq týraly memorandýmdarǵa qol qoıǵan.
