Reseıde Qazaqstan azamatynyń pasportyn rásimdeý merzimi qysqardy
NUR-SULTAN. QazAqparat – Qazaqstannyń Máskeýdegi elshiliginiń konsýldyq bóliminde Qazaqstan azamatynyń pasportyn rásimdeý merzimi 80 kúnnen 10 kúnge deıin qysqartyldy. Bul týraly QazAqparat SІM baspasóz qyzmetine silteme jasap habarlaıdy.
Bul QR ІІM Kóshi-qon qyzmeti komıtetimen birlesip memlekettik qyzmet kórsetý protsesin ońtaılandyrý boıynsha pılottyq joba aıasynda júzege asýda.
«Rásimdeý úshin negiz bolǵan jaǵdaıda (turaqty turýǵa ruqsat, kúndizgi oqý, eńbek sharty) pasport 10 kúntizbelik kún ishinde rásimdelýi múmkin. Qujattar tapsyrylǵannan keıin azamat elshilik iske qosqan Telegramm-bot arqyly qujattyń daıyndyǵyn qadaǵalaı alady», - delingen habarlamada.
Eske salsaq, buǵan deıin AQSh pen Reseıdegi Qazaqstannyń konsýldyqtary telegram-bot ashqany týraly habarlaǵan bolatynbyz.
