Reseıde Qazaqstan azamattary mingen kólik jol apatyna túsip, bir adam mert boldy
ATYRAÝ. QazAqparat - Reseıdiń Astrahan oblysynda Qazaqstan men Reseı azamattary otyrǵan kólik jol apatyna ushyrady. 1 adam mert bolyp úsh adam jaraqat aldy, dep habarlaıdy QazAqparat.
«Jol-kólik oqıǵasy Reseıdiń Astrahan oblysy Kamyzıak aýdanynda bolǵan. 26 jastaǵy Qazaqstan azamaty basqaryp kele jatqan kólik aýdarylǵan. Kólikte júrgizýshiden ózge 3 adam bolǵan. Olardyń bireýi Qazaqstan azamaty bolsa, ekeýi reseılik. Jol apatynyń saldarynan 30 jastaǵy reseılik mert boldy, qalǵan eki jolaýshy jaraqat aldy»,-dep habarlady Astrahan24 telearnasynyń redaktsııasynan QazAqparat tilshisine.
Aldyn ala boljam boıynsha, júrgizýshi kólikti basqara almaı qalǵan.
