Reseıde Qazaqstan azamattary mingen avtobýs aýdarylyp qaldy
NOVOSІBІR. QazAqparat - RF Novosibir oblysynyń Kochenev aýdanynda jolaýshy avtobýsy Foton jeńil kóligimen soqtyǵysyp, alty adam zardap shekti. Bul týraly Kochenev aýdany biryńǵaı kezekshi-dıspetcher qyzmetine silteme jasap TASS habarlady.
Kochenev aýdany biryńǵaı kezekshi-dıspetcher qyzmetiniń bastyǵy Sergeı Nıkıtınniń aıtýynsha, oqys oqıǵadan avtobýstaǵy bes jolaýshy jáne júrgizýshi zardap shekken. Jalpy avtobýsta 47 adam bolǵan.
RF TJM Novosibir oblysy boıynsha Bas basqarmasynyń málimetine qaraǵanda, jolaýshylardyń barlyǵy - Qazaqstan azamattary.
Qazir jol apatynyń sebepteri anyqtalyp jatyr.
Derekterge qaraǵanda, avtobýs Pavlodar qalasyna kele jatqan. 15 saǵattan keıin aýdarylǵan avtobýsty ornynan turǵyzyp, jolaýshylardy Pavlodarǵa basqa avtobýspen jóneltýdiń sáti túsken.
