Reseıde qazaq qyz balalary arasynda sulýlyq baıqaýy ótedi
RESEI. QazAqparat -28 sáýir kúni Reseıdiń Samara oblysynda ulty qazaq qyz balalar arasynda «Altyn balapan» IV sulýlyq baıqaýy ótedi, dep habarlaıdy «QazAqparat» HAA Qazaqstannyń Reseıdegi Elshiligine silteme jasap.
Baıqaýdy «Aq Jol» qazaqtardyń ulttyq-mádenı avtonomııasy Samara óńirlik qoǵamdyq uıymy, Samara oblysynyń «Halyqtar dostyǵy úıi», «Qaırat» jastar birlestigi uıymdastyryp otyr.
Sharany ótkizýdegi maqsat - óńirdegi qazaq dıasporasynyń arasynda ulttyq mádenıetti nasıhattap, ultaralyq, konfessııaaralyq kelisimdi nyǵaıtý, jas býyn arasynan daryn ıelerin anyqtaý.
Baıqaýǵa daıyndyq barysynda keıbir qyzdar alǵash ret ulttyq kıim kıip, qazaq taǵamdaryn ázirleýdiń qyr-syryn úırenedi.
Sondaı-aq sharaǵa qazaqstandyq ártister qatysady - «Mereke ansambli» men «Arman» sán teatry.
