Reseıde qazaq kınosynyń festıvali bastaldy
OMSK. QazAqparat – Reseıdiń Omby oblysynda Qazaqstan kınosynyń IV festıvali bastaldy, dep habarlaıdy «QazAqparat» HAA Qazaqstannyń Reseıdegi Elshiligine silteme jasap.
Bıylǵy festıval Ombyda 6-7 qarasha kúnderi ótetin Qazaqstan-Reseı Óńiraralyq yntymaqtastyǵynyń forýmyna arnaldy.
«Vavılon» kınoteatrynda ashylǵan saltanatty sharada barysynda «Mahabbat» shyǵarmashylyq ortalyǵynyń tárbıelenýshileri qazaq tilinde án shyrqap, óleńder oqydy. Qonaqtarǵa ulttyq taǵam – baýyrsaq taratyldy.
Festıval 5 qarashaǵa deıin jalǵasady. Seanstarǵa tegin tirýge bolady. Kórermenderge tarıhı oqıǵalar negizinde túsirilgen «Altyn taq», «Talan» fılmderi kórsetiledi, al balalar «Muzbalaq», «Kúltegin» mýltfılmderin tamashalaı alady.
«Biz Qazaqstandy, qazaq tilin, mádenıetin súıetinderdiń barlyǵyn shaqyramyz. Fılmder orys tilinde de, qazaq tilinde de kórsetiledi. Mindetti túrde sýbtıtr bolady. Kıno arqyly Qazaqstan kolorıtin, halyqtyń mádenıetin kórsetkimiz keledi. Fılmderdiń barlyǵy izgilikke, Otanǵa degen súıispenshilikke, halqyn, tilin súıýge arnalǵan», - deıdi Omby oblystyq qazaq qoǵamdyq birlestikteri úılestirý keńesiniń basshysy Janat Bekmaǵambetov.
