Reseıde qaza tapqan QR azamatshasy B.Najapovanyń denesi 6 jeltoqsan kúni Shymkent qalasyna jetkiziledi - QR SІM
ASTANA. 5 jeltoqsan. QazAqparat - Qazaqstan Respýblıkasynyń Syrtqy ister mınıstrligi Reseıde qaza tapqan QR azamatshasy B.Najapovanyń denesin tasymaldaýǵa qatysty málimdeme jasady.
Bul týraly syrtqy saıası vedomstvonyń baspasóz qyzmetinen habarlady.
«Ózderińizge belgili bolatyndaı, Reseıde qaza tapqan QR azamatshasynyń týystary deneni Qazaqstanǵa jetkizý boıynsha tıisti sharalardy rásimdeý maqsatynda Máskeýge kelgen bolatyn.
QR Máskeýdegi Elshiliginiń qyzmetkerleri onyń denesin elimizge jetkizý boıynsha qajetti qujattardy rásimdeýde qolǵabys kórsetýde.
6 jeltoqsan kúni DV 801 Máskeý-Shymkent reısimen B.Najapovanyń denesi Shymkent qalasyna jetkiziledi dep kútilýde.
Bizdiń azamatshamyzdyń denesin Qazaqstanǵa jetkizýge qajetti qarjy shyǵyndaryn QR Syrtqy ister mınıstrligi óz moınyna alatyn bolady», - delingen QR SІM-niń baspasóz habarlamasynda.
