Reseıde Qarýly kúshter sany artty
ASTANA. QazAqparat - RF Prezıdenti Vladımır Pýtın RF Qarýly kúshterindegi shtat sanyn 1,897 mln adamǵa bekitti, bul aldynǵy jarlyqpen salystyrǵanda 12 myńǵa kóp.
Sáıkes qujat quqyqtyq aqparattyń resmı portalynda jarııalandy, ol qol qoıylǵan kúni kúshine enedi, dep habarlaıdy TASS.
2017 jyldyń 1 shildesinen bastap qarýly kúshterdegi adamdar sany 1,903 mıllıonǵa ósedi. Áskerı qyzmetshiler sany ózgeriske ushyramaı, 1,013 mln adamdy quraıdy.
2016 jyldyń shilde aıynda jarııalanǵan burynǵy jarlyqqa sáıkes, Qarýly kúshterdegi shtat sany 1,885 mln adamdy quraǵan. Osylaısha, reseılik áskerdiń jalpy sany ótken jylmen salystyrǵanda shamamen 12 myń adamǵa ósti (1 shildeden bastap - 18 myń).
