Reseıde qar kóshkini jumysshylardy basyp qaldy

MÁSKEÝ. KAZINFORM — Býrıatııa Respýblıkasynyń Mýı aýdanyndaǵy «Irokında» kenishinde tehnologııalyq joldy tazartý jumystaryn júrgizip jatqan 9 adamdy qar kóshkininen zardap shekti, dep habarlaıdy agenttik tilshisi Respýblıkanyń Tótenshe jaǵdaılar mınıstrligine silteme jasap.

Aldyn ala málimet boıynsha, 3 adam óz betimen shyǵyp ketti, 6 adam qar massasynyń astynda qaldy.

Vedomstvo qutqarýshylar bir adamnyń denesin alyp shyqqanyn habarlady.

Kóshkin basyp qalǵan alańnyń uzyndyǵy 150 metr, eni 50 metrdi quraıdy. Qar jamylǵysynyń tereńdigi 3-6 metr shamasynda ekeni belgili, dep habarlaıdy REN TV.

Budan basqa, qar astynda qalǵandardyń aty-jóni jarııalandy. Atap aıtqanda, Anton Sh., Alekseı T. jáne Vladımır K., sondaı-aq elektr monterleri Baıar Ts., Erdynı Ts. jáne Aıýr J. Olardyń eń úlkeni 1971 jyly týǵan, eń kishisi — 2007 jylǵy.

Tergeý komıteti taý-ken kásiporny jumysshylaryn kóshkin basyp qalý faktisi boıynsha qylmystyq is qozǵalǵanyn málimdedi.

Tergeý nusqasy boıynsha, 2026 jylǵy 28 sáýirde Mýı aýdanynyń aýmaǵyndaǵy kenishterdiń biriniń mańynda taý betkeıinen qar kóshkini júrip ótken. Qar massasy astynda, aldyn ala derekter boıynsha, osy jer ýchaskesinde jumys istep jatqan taý-ken kásipornynyń alty jumysshysy qaldy. Zardap shekkenderdiń naqty sany men olardyń ornalasqan jeri anyqtalyp jatyr.

Budan buryn Almaty taýlarynda týrıster qar kóshkininiń astynda qalyp, bir adam kóz jumǵany belgili boldy.