Reseıde qar kóshkini saldarynan bir adam qaza tapty
ASTANA. QazAqparat - Túnde Mýrmansk oblysyndaǵy Hıbın taýynan qar kóshkini júrip Kırovsk qalasynyń shetindegi úılerge deıin jetken, dep habarlaıdy interfax.ru.
«Kırovskiniń polıtsııa bólimine jergilikti turǵyndar habarlasqan, olar qar kóshkini úıleriniń terezelerin qıratty dep shaǵymdanǵan. Qazir oqıǵa ornynda TJM jáne quqyq qorǵaý organdary birlesip jumys isteýde», - deıdi jergilikti ishki ister organdarynyń baspasóz hatshysy M.Shıhova.
Qar kóshkini saldarynan bir jergilikti turǵyn qaza tapqan.
«Qaza tapqan er adam. Onyń aty-jóni anyqtalýda. Shamasy ol qar kóshkini jolyna tap bolǵan», - deıdi agenttikke aqpar berýshi.
Reseı TJM-nyń habarlaýynsha, Mýrmansk oblysyndaǵy Hıbın taýynda qar kóshkini bolý qaýpi asa joǵary dep belgilengen. Beısenbi kúni onda 16 qar kóshkini tirkelgen.
Foto: vk.com
