Reseıde qańtarda kovıdten kóz jumǵandar sany 33 paıyzǵa azaıdy

MÁSKEÝ. TASS-QazAqparat – Reseıde koronavırýstan kóz jumǵandar sany qańtar aıynda ótken jyldyń jeltoqsanymen salystyrǵanda úshten birge tómendedi, dep habarlaıdy QazAqparat TASS-qa silteme jasap.

1-31 qańtar aralyǵynda shtab 22 489 adamnyń qaıtys bolǵanyn málim etse, bul kórsetkish 31 jeltoqsanda 33 667 adamdy quraǵan-dy.

Bul rette juqtyrǵandar sany jeltoqsanmen salystyrǵanda 57,7%-ǵa, 1 361 095-ke deıin artty.

Aýyrǵandar sanynyń ósýi jáne ólim-jitimniń tómendeýi esebinen jańa ınfektsııadan kóz jumǵandar sany bir aıda 2,94%-dan 2,79%-ǵa deıin qysqardy.

Emdelgender sany, kerisinshe, aıtarlyqtaı tómendedi: eger shtab jeltoqsanda 1 134 666 adamnyń emdelgenin habarlaǵan bolsa (bul pandemııa bastalǵannan bergi maksımým), qańtarda bul kórsetkish - 784 362 adam.