Reseıde qańtar aıynda jalaqy boıynsha bereshek 1,85 mlrd rýbl boldy
ASTANA. KAZINFORM – 2026 jylǵy qańtardyń sońyndaǵy jaǵdaı boıynsha Reseıde jalaqy boıynsha bereshek kólemi 1 mlrd 855,9 mln rýbldi qurady, dep habarlaıdy TASS.
Ótken aımen salystyrǵanda jalaqy boıynsha jıyntyq bereshek 171,3 mln rýblge nemese 8,5%-ǵa azaıǵan. Al jyldyq mánde kórsetkish 1 mlrd 485,4 mln rýblge ósip, shamamen bes esege artqan.
2026 jylǵy qańtar aıynyń sońyndaǵy tólenbegen jalaqynyń jalpy somasynyń ishinde 755,3 mln rýbl nemese 40,7%-y 2026 jyly qalyptasqan bereshekke tıesili. 2025 jyly paıda bolǵan qaryz kólemi 962,8 mln rýbldi nemese 51,9%-dy qurady.
Al 2024 jyl jáne odan burynǵy kezeńderden qalǵan bereshek 137,8 mln rýbl nemese 7,4% boldy.
Reseı statıstıkasynyń málimetinshe, tekserilgen uıymdarda jalaqy boıynsha bereshegi bar qyzmetkerlerdiń úlesi 2026 jylǵy qańtardyń sońynda 1%-dan az bolǵan.
Ekonomıkalyq qyzmet túrleri boıynsha jalaqy qaryzy bar qyzmetkerler sany mynadaı salalarda shoǵyrlanǵan:
- qurylys – 42%
- óńdeý ónerkásibi – 31,1%
- paıdaly qazbalardy óndirý – 11%
- sýmen jabdyqtaý, sý burý, qaldyqtardy jınaý jáne kádege jaratý, lastanýdy joıý qyzmeti – 4,6%
- aýyl, orman sharýashylyǵy, ańshylyq, balyq aýlaý jáne balyq ósirý – 3,8%
- jyljymaıtyn múlik operatsııalary – 2,7%
- kásibı, ǵylymı jáne tehnıkalyq qyzmet – 2,6%
- kólik jáne saqtaý – 0,5%
- qarjy jáne saqtandyrý qyzmeti – 0,4%
- densaýlyq saqtaý jáne áleýmettik qyzmetter – 0,4%
- bilim berý – 0,3%
- kóterme jáne bólshek saýda, avtokólik pen mototsıklderdi jóndeý – 0,2%
- mádenıet, sport, bos ýaqytty uıymdastyrý jáne oıyn-saýyq – 0,2%
- ózge de qyzmet túrleri – 0,2%.
Aıta keteıik, Reseıde qańtar aıyndaǵy jyldyq ınflıatsııa 6 paıyzdy qurady.