Reseıde qansha qazaqstandyq stýdent medıtsına mamandyǵyn oqyp jatyr

ASTANA. KAZINFORM — Reseıdiń medıtsınalyq joǵary oqý oryndarynda 10 myń qazaqstandyq bilim alyp júr, dep habarlaıdy Densaýlyq saqtaý mınıstrliginiń baspasóz qyzmeti.

stýdent, JOO
Foto: Ǵylym jáne joǵary bilim mınıstrligi

Densaýlyq saqtaý mınıstri Orynbor oblysynyń gýbernatory Evgenıı Solntsevpen jáne Reseı delegatsııasynyń ókilderimen kezdesý ótkizdi.

Mınıstrliktiń baspasóz qyzmeti málim etkendeı, taraptar densaýlyq saqtaý salasyndaǵy óńiraralyq yntymaqtastyqty damytý perspektıvalaryn talqylap, birlesken jumystyń basym baǵyttaryn aıqyndady.

Kezdesý barysynda medıtsınalyq týrızmdi damytýǵa, patsıentter almasýǵa, zamanaýı medıtsınalyq tehnologııalardy engizýge, kadrlar daıarlaýǵa jáne shekaralas aýmaqtardyń sanıtarııalyq-epıdemıologııalyq qaýipsizdigin qamtamasyz etýge erekshe nazar aýdaryldy.

Yntymaqtastyqtyń negizgi baǵyttarynyń biri medıtsınalyq týrızmdi damytý jáne eki el klınıkalarynyń arasyndaǵy tikeleı baılanysty jolǵa qoıý bolmaq. Qazaqstan tarapy medıtsınalyq uıymdardyń múmkindikteri, kórsetiletin qyzmet túrleri men olardyń quny, patsıentterdi joldaý jáne medıtsınalyq súıemeldeý tártibi týraly aqparat almasý tetigin qurýdy usyndy.

Densaýlyq saqtaý mınıstri Orynbor oblysynyń gýbernatory Evgenıı Solntsevpen jáne Reseı delegatsııasynyń ókilderimen kezdesý ótkizdi.
Foto: DSM

Mamandandyrylǵan medıtsınalyq kómek kórsetý salasynda taraptar katarakta men glaýkomany emdeýge arnalǵan joǵary tehnologııalyq operatsııalardy, vıtreoretınaldyq hırýrgııalyq aralasýlardy qosa alǵanda oftalmologııa baǵytyndaǵy yntymaqtastyq perspektıvalaryn qarastyrdy. Sondaı-aq mamandar almasý, master-klastar men taǵylymdamalar ótkizý, telemedıtsınalyq konsýltatsııalar boıynsha pılottyq jobany iske qosý múmkindigin pysyqtaý usynyldy.

Kelissózderdiń jeke bir bóligi medıtsına kadrlaryn daıarlaý jáne ǵylymı-bilim berý salasyndaǵy yntymaqtastyqqa arnaldy. Bul rette 69 stýdent bilim alyp, eki dıplom alý múmkindigine ıe bolatyn Qaraǵandy medıtsına ýnıversıteti men Qazan memlekettik medıtsına ýnıversıtetiniń birlesken bilim berý baǵdarlamasy oń tájirıbe retinde atap ótildi.

Jalpy, Qazaqstan men Reseıdiń medıtsınalyq joǵary oqý oryndarynyń arasynda yntymaqtastyq týraly 59 memorandým men kelisim jasalǵan. Qazirgi ýaqytta Reseıdiń medıtsınalyq joǵary oqý oryndarynda shamamen 10 myń qazaqstandyq stýdent bilim alsa, Qazaqstannyń medıtsına ýnıversıtetterinde Reseıdiń 239 azamaty oqıdy.

Densaýlyq saqtaý mınıstri Orynbor oblysynyń gýbernatory Evgenıı Solntsevpen jáne Reseı delegatsııasynyń ókilderimen kezdesý ótkizdi.
Foto: DSM

Taǵy bir basym baǵyt — sanıtarııalyq-epıdemıologııalyq qaýipsizdikti qamtamasyz etý jáne shekaralas óńirlerdiń shuǵyl qyzmetteriniń tótenshe jaǵdaılarǵa daıyndyǵyn arttyrý bolady.

Orynbor oblysynyń Aqtóbe, Batys Qazaqstan jáne Qostanaı oblystarymen ortaq shekarasy bar ekenin eskere otyryp, epıdemıologııalyq jaǵdaı týraly aqparat almasýdy jandandyrý, zerthanalyq qyzmetterdiń arasyndaǵy yntymaqtastyqty damytý jáne birlesken profılaktıkalyq is-sharalar ótkizý usynyldy.

Sonymen qatar taraptar Shuǵyl medıtsınany ulttyq úılestirý ortalyǵynyń (ShMUÚO) qatysýymen shuǵyl medıtsınalyq kómek kórsetý kezinde qyzmetterdiń ózara is-qımylyn pysyqtaýǵa baǵyttalǵan birlesken oqý-jattyǵýlar ótkizý múmkindigin qarastyrdy.

Bul mamandardyń ózara úılesimdi jumysyn jetildirýge, praktıkalyq tájirıbe almasýǵa jáne tótenshe jaǵdaılar kezinde medıtsınalyq qyzmetterdiń jedel áreket etý daıyndyǵyn arttyrýǵa múmkindik beredi.

Densaýlyq saqtaý mınıstri Orynbor oblysynyń gýbernatory Evgenıı Solntsevpen jáne Reseı delegatsııasynyń ókilderimen kezdesý ótkizdi.
Foto: DSM

Yntymaqtastyqty nyǵaıtýdyń praktıkalyq tetigi retinde Qazaqstan tarapy Orynbor oblysynda Qazaqstannyń shekaralas úsh óńirindegi medıtsınalyq uıymdardyń qatysýymen Densaýlyq saqtaý kúnderin uıymdastyrýdy usyndy.

Іs-shara medıtsınalyq uıymdardyń múmkindikterin tanystyrýǵa, medıtsınalyq týrızmdi damytýǵa jáne mamandardyń arasynda tikeleı kásibı baılanys ornatýǵa arnalǵan alań bolmaq.

Kezdesý qorytyndysy boıynsha taraptar yntymaqtastyqty keńeıtýge ózara múddeli ekenin rastady. Sondaı-aq belgilengen baǵyttar boıynsha birlesken jumysty jalǵastyrýǵa jáne ortaq bastamalardy ilgeriletýge ýaǵdalasty.

Budan buryn Qazaqstan men Reseıdiń Lenıngrad oblysynyń taýar aınalymy 257,9 mln dollarǵa jetkenin jazdyq.