Reseıde kámeletke tolmaǵandarǵa qarsy qylmys jasady degen kúdikti Qazaqstan azamaty emes - SІM
ASTANA. 7 qazan. QazAqparat /Aıdar Ospanalıev/ - Reseıdiń Nıjnıı Novgorod oblysynda kámeletke tolmaǵandarǵa qarsy qylmys jasady degen kúdikpen ustalǵan adam Qazaqstan azamaty emes.
Bul týraly búgin jýrnalıstermen bolǵan brıfıngte Syrtqy ister mınıstrliginiń resmı ókili Altaı Ábıbýllaev málim etti.
Onyń málimetterinshe, ustalǵan kúdiktiniń týý týraly kýáliginde onyń Qazaqstanda týylǵandyǵy kórsetilgen. «Nıjnıı Novgorod oblysynyń Tergeý basqarmasy basshylyǵynyń derekterine qaraǵanda, Balahnınsk aýdanaralyq tergeý bóliminiń qyzmetkeri ustalǵan kúdiktiniń «Qazaqstanda týdy» degen kýáligin kórip, ol Qazaqstan azamaty degen baılam jasaǵan»,-dedi resmı ókil.
