Reseıde qala turǵyny páteriniń terezesinen shaǵyn avtobýstarǵa oq jaýdyrǵan
ASTANA. QazAqparat - Reseıde Krasnoe selo qalasynyń turǵyny pnevmatıkalyq tapanshadan eki shaǵyn avtobýsqa oq jaýdyryp, artynsha boı tasalaǵan.
Búgin saǵat 18-der shamasynda Krasnoe selo qalasynyń polıtsııasyna Lenın dańǵyly 102 úıde belgisiz bireý joldaǵy kólikterge oq jaýdyryp jatqany týraly habarlama kelip tústi. Atys saldarynan eki shaǵyn avtobýs zaqymdanǵan. Jolaýshylar arasynda zardap shekkender joq.
Oqıǵa ornyna jetken polıtsııa qyzmetkerleri atys páterlerdiń birinen bolǵanyn anyqtady. Páterden polıtseıler pnevmatıkalyq tapansha men oqtar salynǵan ydys tapty. Kúdikti boı tasalap úlgergen. Qazir polıtsııa atalmysh fakti boıynsha tekserý júrgizýde. Páter turǵyndarynyń kim ekenderi anyqtalýda, piter.tv
