Reseıde qala turǵyndary turǵyn úıge jaqyn tustan jolbarysty kórdi
ASTANA. QazAqparat - Túngi ýaqytta qala shetinde baıqalǵan jolbarys tabylsa, Vladıvostok qalasynyń basshylyǵy avtokólik qozǵalysyn toqtatyp, qosymsha jedel topty tartady, dep habarlady RIA Novostı agenttigi.
Búgin túnde Reseı ІІMB kezekshilik bólimine sol qalanyń 2 turǵyny Rýdnevskıı kópiri aýdanynda Vyselkova kóshesinde, sonymen qatar Borodınskaıa - Irtyshskaıa aınalma jolynda jolbarysty kórgenin habarlady. Oqıǵa ornyna polıtsııa jasaǵy men ańshylyqty baqylaý toby jóneltildi. Mamandardyń pikirinshe, bul qazan aıynyń basynda Artem qalasynda kózge túsken jolbarys bolýy múmkin. Ol kezde ony izdeý jumystary esh nátıje bermegen.
«Jerdiń sazdy bolýy men japyraqtar kóp túsýi saldarynan jyrtqyshtyń izi tabylmady. Mamandar aýmaqty kvadrokoptermen tekserip jatyr. Jolbarys anyqtalǵan jaǵdaıda tas joldar jabylyp, Ýssýrııskten qosymsha jedel top shaqyrylady», - dedi Prımore ańshylyqty baqylaý departamenti dırektorynyń orynbasary Alekseı Sýrovyı.
Ol jolbarysty kórgen jergilikti turǵyndar bolsa polıtsııaǵa nemese ańshylyqty baqylaý departamentine habarlasýyn surady.
