Reseıde qabylan er adamdy talap óltirdi
ASTANA. QazAqparat - Máskeý mańyndaǵy Istrınskıı aýdanynda qabylan er adamdy talap óltirdi. Bul týraly reseılik TASS agenttigi Máskeý oblysynyń ІІM qalalyq basqarmasyna silteme jasap habarlaıdy.
«Obnovlennyı Trýd kentinde jyrtqysh er adamdy talap óltirdi», - dep málim etken baspasóz qyzmeti.
TASS-tyń quqyq qorǵaý organdaryndaǵy aqparat berýshisiniń aıtýynsha, jeke menshik haıýanattar baǵynyń birindegi qabylan temir torǵa jyrtqyshty tamaqtandyrý úshin kirgen qyzmetshige tarpa bas salǵan.
Jyrtqysh adamǵa umtylyp, onyń moınynan tistegen. Budan keıin qabylan tordan shyǵyp qashyp ketken. Alaıda birneshe saǵattan soń ol ustalyp volerge qamaldy.
Qazir oqys oqıǵaǵa qatysty tergeý júrgizilip jatyr.
