Reseıde izdeýde júrgen qylmysker áıel Qazaqstan shekarasynda ustaldy
ShQO Polıtsııa departamenti baspasóz qyzmetiniń málimetine súıensek, tártip saqshylary Reseıde izdeýde júrgen qylmyskerdi quryqtady.
«Krımınaldyq polıtsııa basqarmasy, Shemonaıha aýdandyq PB jáne QR Ulttyq qaýipsizdik komıteti Shekara qyzmeti birlesip jedel-izdestirý sharalary barysynda 41 jastaǵy áıeldi anyqtady. Reseı Federatsııasynyń turǵyny respýblıkanyń memlekettik shekarasyn kesip ótý kezinde ustaldy», - delingen aqparatta.
Belgili bolǵandaı, reseılik áıel ótken jyldyń qyrkúıek aıynan beri RF quqyq qorǵaý organdarynan jasyrynyp júrgen. 2021 jyldyń qazan-qarasha aılary aralyǵynda jalǵa alynǵan turǵyn úıdiń múlkin urlap ketken.
Qazirgi ýaqytta áıel adam ýaqytsha ustaý ızolıatoryna qamaldy. Prokýratýramen birge ony ekstradıtsııalaý máselesi sheshilýde.