Reseıde izdeýde júrgen áıel Aqmola oblysynan tabyldy
KÓKShETAÝ. QazAqparat – Reseıde qylmysy úshin izdeýde bolǵan 60 jastaǵy áıel Aqmola oblysy aýmaǵynda qolǵa tústi, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
«Kókshetaý qalalyq PB krımınaldy polıtsııa qyzmetkerleri oblys aýmaǵynan Reseıdiń Orynbor oblysynyń tártip saqshylary izdeý salǵan 1960 jylǵy áıeldi ustady. Kúdiktige RF QK 158 baby boıynsha «urlyq» jasaǵany úshin izdeý jarııalanǵan. Qazirgi kezde, kúdikti QR QPK 128 babyna sáıkes qamaýǵa alyndy», -deıdi Aqmola oblystyq Polıtsııa departamentiniń baspasóz qyzmetindegiler.
Vedomstvodan atap ótkendeı, sonymen birge, aqmolalyq tártip saqshylary Nur-Sultan qalasynda taǵy bir qylmysker, Soltústik Qazaqstan oblysynyń týmasyn ustady.
