Reseıde haıýanattar qosynynda órt shyǵyp, ań-qustar qyrylyp qaldy
ASTANA. QazAqparat - Reseıdiń Irkýtsk qalasynda 17 qańtarǵa qaraǵan túni Ortalyq saıabaqta ornalasqan zoogalereıada shyqqan órt sebebin Qutqarý jáne quqyq qorǵaý qyzmetiniń qyzmetkerleri anyqtap jatyr, dep habarlady lifenews.ru.
Boljam boıynsha, ot kassa mańynda shyqqan. Keıin jalyn qaptamaǵa kóshken.
- Sırek kezdesetin janýarlar bolǵan ǵımaratta jalynnyń kúshti bolǵany sonshalyq, ondaǵy kóptegen haıýan qyryldy. Qyrylǵan janýarlar men qustardyń naqty sanyn aıta almaımyn, ázirge biletinimiz onshaqty, - dedi zoogaler dırektory Lıýdmıla Ivýshkına.
