Reseıde halyqaralyq júrgizýshilerge ózderimen birge KO qujattaryn alyp júrý mindetteldi
ASTANA. QazAqparat - Reseıdiń premer-mınıstri Dmıtrıı Medvedev halyqaralyq jol qozǵalysyna qatysýshy júrgizýshilerdiń ózderimen birge Kedendik odaq normalarymen qarastyrylǵan qujattardy alyp júrýdi mindetteıtin qaýlyǵa qol qoıdy, dep habarlady RBK.
«Erejeler halyqaralyq qozǵalysqa qatysýshy kólik quraly júrgizýshisiniń mindetterimen tolyqty, ıaǵnı ózimen birge atalǵan kólik quralynyń ýaqytsha kelgenin rastaıtyn KO zańnamasymen qarastyrylǵan kedendik organdarmen belgilengen qujattar, al tirkemesi bolǵan jaǵdaıda onyń da KO-nyń biryńǵaı kedendik aýmaǵyna ýaqytsha kelgeni jaıly qujattary bolýy kerek», - delingen qaýlyda.
Qujattardyń bolmaýy, kólik quralyn ýaqytsha engizý ýaqytynyń asyp ketýi, sonymen birge, rastaıtyn qujattarda osy kólikti basqarýshy adamnyń aty-jóni kórsetilmeýi jol júrý erejesin buzǵandyǵy bolyp tabylady.
