Reseıde halyq sany kemip barady
MÁSKEÝ. QazAqparat - Reseı turǵyndarynyń sany 2018 jyldyń qańtarynan bastap 0,063 paıyzǵa kemidi. Rosstattyń sársenbi kúni jarııalaǵan málimetteri boıynsha elde 146,8 mln adam tirshilik keshýde, dep habarlaıdy TASS.
«2018 jyldyń 1 tamyzynda Reseıdiń turǵylyqty halqynyń sany 146,8 mln adamdy qurap, jyl basynan beri 91,9 myńǵa nemese 0,063 paıyzǵa azaıdy»,- delingen habarlamada.
Al ótken jyldyń osyndaı kezeńinde turǵyndardyń sany 5,3 myńǵa artqany nemese 0,004 paıyzǵa kóbeıgeni baıqalǵan.
Sondaı-aq 2018 jyldyń qańtar-shilde aralyǵynda 2017 jyldyń sáıkes kezeńimen salystyrǵanda Reseıde ómirge kelgenderdiń sany (83 sýbektide) kemigendigi atap ótilgen. Al kerisinshe ómirden ozǵandardyń sany (54 sýbektide) artqandyǵy baıqaldy», dep atap ótedi Rosstat.
