Reseıde halyq sany azaıyp barady
SANKT-PETERBÝRG. QazAqparat - Reseıde 2019 jyldyń tórt aıynda tabıǵı adam sanynyń kemýi 149 myń adamdy quraǵan. Bul týraly seısenbi kúni RF vıtse-premeri Tatıana Golıkova "Zapadnyı" Soltústik-Batys federaldyq okrýgi ǵylymı-bilim berý medıtsınalyq klasteri músheleriniń jınalysynda málimdedi, dep habarlaıdy TASS.
«Biz elimizdegi halyq sanynan aıtarlyqtaı aıyrylyp jatyrmyz. Tórt aıda halyq sanynyń tabıǵı kemýi 149 myń adamdy qurap otyr. Bul bizde týý kórsetkishi tómendegenin jáne adam óliminiń biz qalaǵandaı qarqynmen azaıyp jatpaǵanyn bildiredi», - dedi ol.
Vıtse-premer Reseıdiń kóptegen óńirleriniń onkologııalyq jáne júrek-qan tamyr aýrýlary, sondaı-aq jol-kólik oqıǵasynan bolǵan ólim-jitimniń syrtqy sebepterine baılanysty kórsetkishterdi sanaly túrde tómendetip kórsetkenin aıtty.
«Sapaly kórsetkishter úshin elimizdiń kóptegen óńirleri úzdik statıstıka kórsetti», - dep atap ótti Golıkova.
Onyń aıtýynsha, Densaýlyq saqtaý mınıstrligi men úkimettiń áleýmettik blogy adam ólimine baılanysty taldaý júrgizilgen jaǵdaılardy synǵa ala bastaǵan soń kórsetkishter óse bastaǵan.
Ol osyǵan baılanysty federaldyq medıtsınalyq uıymdardyń jaǵdaıdy taldaýǵa belsendi qatysýlary tıis ekenin atap ótti.
