Reseıde halyq sanaǵynyń alǵashqy nátıjeleri 2010 jyldyń sońyna qaraı belgili bolady
SANKT-PETERBOR. Qarashanyń 17-si. QazAqparat /Elena Mıagkova/ - Reseı kezekti halyq sanaǵyn ótkizýge daıyndalýda.
Aldyn ala málimetter boıynsha, sanaq 2010 jyly qazannyń 14-i men 25-i aralyǵynda ótedi. Bul týraly Sankt-Peterborda Memlekettik statıstıka federaldyq qyzmeti basshysynyń orynbasary Aleksandr Sýrınov málim etti.
«Rosstat» agenttigi halyq sanaǵyn 2010 jyly qazannyń 14-25-i aralyǵynda ótkizýdi usyndy, biraq bul týraly úkimettiń qaýlysy áli qabyldanǵan joq. Eger biz usynylǵan data bekitiletin bolsa, sanaq josparlanǵan merzimde ótedi. Al onyń alǵashqy nátıjelerin biz jyldyń sońyna qaraı jarııalaıtyn bolamyz», dep túsindirdi A.Sýrınov.
BUU Statıstıkalyq komıssııanyń talabyna sáıkes álemniń barlyq derlik elderi halyq sanaǵyn 2010 jyly ótkizedi. Degenmen, bul kesteden ozyp, ne qalyp otyrǵan elder barshylyq. Atap aıtqanda, Ázirbaıjanda halyq sanaǵy - 2008 jyly, Qazaqstan men Belarýsta - aǵymdaǵy 2009 jyly ótse, Mońǵolııada sanaq 2010 jyldyń qańtar aıynda bolady.
