Reseıde halal ındýstrııasynyń mamandary tapshy
ASTANA. 15 naýryz. QazAqparat - Reseı Federatsııasynyń ıslam ýnıversıtetinde «Halal» júıesindegi standarttaý: teorııa jáne tájirıbe» kýrsynan ótkenderge sertıfıkat berildi.
Naýryzdyń 2-de bastalyp, bir aptaǵa sozylǵan kýrsty Tatarstan Musylmandar dinı basqarmasy men Reseı Islam ýnıversıteti uıymdastyrdy.
«Halal» komıtetiniń basshysy Marat Nızamovtyń aıtýynsha, Tatarstannyń halal ındýstrııasynda mamandar joqtyń qasy. Osy olqylyqtyń ornyn toltyrý maqsatynda atalmysh sharanyń qolǵa alynyp otyrǵanyn jetkizdi.
muslim.kz saıtynyń jazýynsha, kýrs barysynda Reseıdegi jáne álemdegi «Halal» ındýstrııasynan málimet berildi.
Sondaı-aq, halal ónimderine qatysty quqyqtyq máseleler men halal azyq-túlikti daıyndaý tehnologııasy da sóz boldy. Gendik ınjenerııa men taǵam qospalary da nazardan tys qalmady.
Marat Nazımovtyń sózine qaraǵanda, ázirge Tatarstan musylmandary dinı basqarmasynyń janyndaǵy «Halal» komıtetine qarasty kásiporyndardyń basshylary kýrstan ótken. Bul halal azyq-túlik túrlerin óndirýshilerdiń tek bes paıyzyn ǵana quraıdy. «Halal» komıteti aldaǵy ýaqytta bul sharanyń tutas eldi qamtıtynyn aıtyp otyr.
