Reseıde gemofıldi ınfektsııa men qyzylsha aýrýy órshidi
MÁSKEÝ. KAZINFORM - 2025 jyldyń qorytyndysy boıynsha Reseıde gemofıldi ınfektsııamen tirkelgen naýqas sanynyń ósýi kópjyldyq ortasha deńgeıden 19,3 ese asyp tústi. Sondaı-aq qyzamyq, qyzylsha, tumaý jáne basqa da ınfektsııalyq aýrýlar jaǵdaılarynyń artqany tirkeldi. Bul týraly reseılik BAQ Rospotrebnadzordyń derekterine silteme jasap habarlady, dep jazady agenttik tilshisi.
Málimetke sáıkes, kópjyldyq ortasha kórsetkishterden asý deńgeıi qyzamyq boıynsha – 5,6 ese, menıngokokk ınfektsııasynyń jaıylǵan túrleri boıynsha – 2,5 ese, lısterıoz boıynsha – 3,3 ese, tumaý boıynsha – 6 ese, aýrýhanadan tys pnevmonııa boıynsha – 1,5 ese, pnevmokokkty pnevmonııa boıynsha – 2 ese, Ký qyzbasy boıynsha – 1,9 ese, norovırýstyq ınfektsııa boıynsha – 1,8 ese, enterovırýstyq ınfektsııalar boıynsha – 2,4 ese boldy. Al qyzylsha boıynsha kórsetkish ortasha deńgeıden 2,1 ese joǵary bolǵan.
Jalpy alǵanda, ótken jyly elde ınfektsııalyq jáne parazıttik aýrýlardyń 35,7 mıllıon jaǵdaıy tirkelgen. Bul 2024 jylǵy kórsetkishten (36,1 mıllıon jaǵdaı) 9,3%-ǵa tómen.
Buǵan deıin Qazaqstanda qyzylsha aýrýynyń bes myńnan astam jaǵdaıy tirkelgeni habarlanǵan bolatyn.
