Reseıde Gabrıel Garsıa Markestiń ǵumyrnamalyq kitaptary alǵash ret basylyp shyqpaq
ASTANA. 7 naýryz. QazAqparat - Reseıde kolýmbııalyq jazýshy, ádebıet boıynsha Nobel syılyǵynyń laýreaty Gabrıel Garsıa Markestiń ǵumyrnamalyq kitaptary alǵash ret basylyp shyqpaq, dep habarlady reseılik «Jańalyqtar» agenttigi.
Avtordyń óziniń 28 jasqa deıingi ómirin baıandaǵan «Júz jyldyq jalǵyzdyq» atty kitaby naýryzdyń alǵashqy jartysynda satýǵa túspek.
«Ómir týraly áńgimeleý úshin ómir súrý» degen ataýmen ǵumyrnamalardy AST baspasy ázirledi. Bul kitapty shyǵarý keshe 85 jasqa tolǵan jazýshynyń mereıtoıyna oraılastyryp otyr.
Jazýshyny Reseı prezıdenti Dmıtrıı Medvedev quttyqtap, Reseı men Latyn Amerıkasynyń arasyndaǵy dostyq qatynastardy damytýǵa qosqan úlesi úshin ony Qurmet ordenimen marapattady.
Gabrıel Garsıa Markes latynamerıkandyq tanymal jazýshy. Bıyl ol birneshe mereıtoılaryn - Nobel syılyǵyn alǵanyna 30 jyl, ǵumyrnamalyq baıandary shyqqanyna 10 jyl, «Júz jyldyq jalǵyzdyq» romanyna 45 jyl tolýyn atap ótpek.
