Reseıde Frantsııanyń Áblıazovqa qatysty sheshimi jóninde túsinikteme berildi
ASTANA. QazAqparat - Reseıdiń bas prokýratýrasy Frantsııa memlekettik keńesiniń Ábilıazovke baılanysty sheshimin dálelsiz dep esepteıdi, dep habarlaıdy RIA Novostı.
«Reseı Federatsııasynyń Bas prokýratýrasy bul sheshimdi aıǵaqsyz ári halyqaralyq quqyq normalaryna saı emes, sondaı-aq frantsýz sottarynyń buryn qabyldaǵan sheshimderine qarsy keledi dep esepteıdi», - dedi málimdedi Reseı qadaǵalaý organynyń ókili Aleksandr Kýrennoı.
Aleksandr Kýrennoıdyń aıtýynsha, Frantsııa memlekettik keńesi Áblıazovty qaıtaryp berý týraly suraý Qazaqstan múddesine baǵyttalǵan dep sanaıdy-mys. Ol bundaı sheshimniń «qısynsyz» ekenin tilge tıek ete otyryp, qazaqstandyq olıgarh, Qazaqstannyń burynǵy energetıka, ındýstrııa jáne saýda mınııstri Ábilıazov Reseı aýmaǵynda da ekonomıka salasy men jeke menshikke qatysty birqatar aýyr qylmystar jasaǵanyn, jalpy somasy 5 mıllıard dollardan astam qarjyǵa baǵalanatyn zalal keltirgenin atap ótti.
Reseı Federatsııasynyń Bas prokýratýrasy Frantsııa memlekettik keńesiniń sheshimin saıası astary barlyǵyn, jasalǵan qylmys úshin bultartpas jaza berý ustanymyn buzatyn áreket dep baǵalaýda. Úsh jarym jylǵa jýyq ýaqytqa sozylǵan ekstradıtsııalaý úderisi kezinde Áblıazov pen onyń advokattary tarapynan túrli qıturqy tásilder jasalyp baqqan.
